SCAPRICCIATIELLO Scapricciatiellu mio, vatténne â casa si nun vuó' jí 'ngalèra, 'int'a stu mese..." Comme te ll'aggi''a dí ca nun è cosa?! Chella nun è pe' te... chella è na 'mpesa! Che vène a dí ch'è bella cchiù 'e na rosa si po' te veco 'e chiagnere annascuso? Lássala, siente a me, ca nun è cosa! Tu, p''a bionda, si' troppo onesto: chella è fatta pe' ll'ommo 'nzisto... Alluntánate 'a 'sta "maésta" ca te pierde, figlio 'e mammá... Nun 'o vvide ca te repassa? Te ciancéa cu ciento mosse... T''o ffá credere e po' te lassa: Te fa perdere 'a libertá! II Tutt''e mmatine, mamma, dint''a cchiesa, prega, pe' te, 'a Madonna e nun repòsa... Jett''o curtiello...nun fá 'o smaniuso, si no tu vaje 'ngalèra e 'a bionda sposa! curre add''a vecchia, va', cércale scusa! Tu p''a bionda... ................. "Scapricciatiellu mio, vatténne â casa si nun vuó' jí 'ngalèra, 'int'a stu mese!" ____________________ GUAGLIONE (Nisa - Fanciulli) C'è anche la versione in francese Stop the music and click here to listen the Perez Prado version. Staje sempe ccá, 'mpuntato ccá, 'mmiez'a 'sta via, nun mange cchiù nun duorme cchiù che pecundría! Gué piccerí che vène a dí 'sta gelusia? Tu vuó suffrí, tu vuó murí, chi t''o ffá fá... Curre 'mbraccio addu mammá, nun fá 'o scemo piccerí... dille tutt''a veritá ca mammá te pò capí... E passe e spasse sott'a stu barcone, ma tu si' guaglione... Tu nun canusce 'e ffemmene, si' ancora accussí giovane! Tu si guaglione!... Che t'hê miso 'ncapa? va' a ghiucá 'o pallone... Che vònno dí sti llacreme?... Vatté, nun mme fá ridere! Curre 'mbraccio addu mammá, nun fá 'o scemo piccerí... Dille tutta 'a veritá ca mammá te pò capí...! Nun 'e ppittá, nun 'allisciá chill'uocchie belle... Nun 'a penzá, va' a pazziá cu 'e guagliunciélle... Nun t'avvelí, c'è tiempo oje ni, pe' te 'nguajá! Chi desidere 'e vasá, scordatélla, piccerí, ca si 'o ddiceno a papá, chisá comme va a ferní... E passe e spasse sott'a stu barcone, ......................................................... Staje sempe ccá, 'mpuntato ccá, 'mmiez'a 'sta via... Nun mange cchiù, nun duorme cchiù... chi t''o ffá fá!.. ___________________ 'O RITRATTO 'E NANNINELLA (Scarfò, Vian) Caro pittore, 'mméscale cu 'o penniello sti culure... pròvate a fá nu quadro di valore: Píttace na matassa 'e seta nera, píttace doje curvine, scure scure... na fravula zucosa... e na schiuppata 'e rose, rose thè! Chist'è 'o ritratto, 'o ritratto 'e Nanninella: Suspire e vase ardente, prumesse e giuramente, bellezze e vanitá! Chistu ritratto io ce 'o manno a Nanninella... che fa si mm'ha lassato? si 'ammore, mo, è fernuto?... Chistu ritratto nce ll'aggi''a manná! Caro pittore, 'mméscale cu 'o penniello sti culore... pròvate a fá nu quadro di valore: Píttace na tempesta 'mmiez'ô mare, píttace, atturcigliata a ciento core, na vipera maligna, cu ll'uocchie 'e fuoco, pronta a muzzecá! Chist'è 'o ritratto, ............................. Chistu ritratto io ce 'o manno a Nanninella... Giacché dimane sposa, lle voglio fá 'a surpresa: Chist'è 'o regalo 'e nozze ch'aggi''a fá! ::::::::::::::::::::::: PALOMMA 'E NOTTE (Di Giacomo - Buongiovanni) Tiene mente 'sta palomma, comme gira, comm'avota, comme torna n'ata vota sta ceròggena a tentá! Palummè' chist'è nu lume, nun è rosa o giesummino... e tu, a forza, ccá vicino te vuó' mettere a vulá!... Vatténn''a lloco! Vatténne, pazzarella! va', palummella e torna, e torna a st'aria accussí fresca e bella!... 'O bbi' ca i' pure mm'abbaglio chianu chiano, e che mm'abbrucio 'a mano pe' te ne vulé cacciá?... II Carulí', pe' nu capriccio, tu vuó' fá scuntento a n'ato... e po' quanno ll'hê lassato, tu, addu n'ato vuó' vulá... Troppi core staje strignenno cu sti mmane piccerelle; ma fernisce ca sti scelle pure tu te puó' abbruciá! Vatténn''a lloco! Vatténne, pazzarella! va', palummella e torna, e torna a st'aria accussí fresca e bella!... 'O bbi' ca i' pure mm'abbaglio chianu chiano, e che mm'abbrucio 'a mano pe' te ne vulé cacciá?... III Torna, va', palomma 'e notte, dint'a ll'ombra addó' si' nata... torna a st'aria 'mbarzamata ca te sape cunzulá... Dint''o scuro e pe' me sulo 'sta cannela arde e se struje... ma ch'ardesse a tutt'e duje, nun 'o ppòzzo suppurtá! Vatténn''a lloco! Vatténne, pazzarella! va', palummella e torna, e torna a st'aria accussí fresca e bella!... 'O bbi' ca i' pure mm'abbaglio chianu chiano, e che mm'abbrucio 'a mano pe' te ne vulé cacciá?... _________________ Silenzio cantatore (Bovio, Lama) -------------------------------------------------------------------------------- Zitta, stanotte nun dicere niente: Dòrmono 'e ccose nu suonno lucente, nu suonno 'e na notte d'está. Marí, dint''o silenzio, - silenzio cantatore - nun te dico parole d'ammore, ma t''e ddice stu mare pe' me!... Dimme: stanotte si tutta d''a mia? Ll'uocchie tuoje belle mme diceno 'e sí... No, cu 'sta luna, nisciuna bucía sta vócca buciarda pò ddí!... Marì, .............. Sona chitarra (Bovio, De Curtis) (midi file Kb. 25) -------------------------------------------------------------------------------- Serenatella sentimentale, cu 'o ppoco 'e luna ca vò sentí... Sceta a chi dorme, scòrdate 'o mmale, torna a fá pace, ch'aggio tuort'i! Sòna, chitarra, sòna... t'è rummása una corda: Si pur'essa se scorda, fernisce 'e suná. "Abbrile, abbrile, dorge dormire!" Ma nénna dorme n'eternitá; Ca mm''a scetassero mille suspire dint'a 'sta bella notte d'está! Sòna, chitarra, sòna... ....................... Si tu nu juorno mme lasse e 'nchiante, si ciento vote cchiù forte 'e me! Io só fedele, sincero, amante... no, nun só' ll'ommo ca fa pe' te! Sòna, chitarra, sòna... ....................... ::::::::::::::::::: STRADA 'NFOSA -------------------------------------------------------------------------------- Mme dice: "Nun só' fatta pe' te..." E t'annascunne 'a faccia, pecché? 'Sta lacrema lucente che vò'?... 'Mmiez'a na strada 'nfosa, ce simmo ditte: Addio... Sola, pe' n'ata via, te veco partí... 'Mmiez'a na strada 'nfosa, chiagnenno, mm'hê vasato... e io, ca mme ne moro, te lasso partí! Pecché, tu vuó' restá, ma te ne vaje? Pecché, te voglio bene e dico: Va'?... 'Mmiez'a na strada 'nfosa, sulo, comm'a na vota... , sulo, cu stu destino ca mo vò' accussí... II Pecché, mm'hê ditto addio, pecché? Na vota ire felice cu me... e mo nun ce capimmo cchiù... 'Mmiez'a na strada 'nfosa, .......................... Finale: Sulo cu stu destino, ca mo, vò' accussí... ::::::::::::::::::::: TE VOGLIO BENE ASSAJE (Sacco) 'Nzomma songh'io lo fauzo? Appila, sié maesta: Ca ll'arta toja è chesta Lo dico 'mmeretá. Io jastemmá vorría lo juorno che t'amaje! Io te voglio bene assaje... e tu nun pienze a me! Pecché quanno mme vide, te 'ngrife comm'a gatto? Nenné', che t'aggio fatto, ca nun mme puó' vedé?! Io t'aggio amato tanto... Si t'amo tu lo ssaje! Io te voglio bene assaje... e tu non pienze a me! La notte tutti dormono, ma io che vuó durmire?! Penzanno a nénna mia, mme sento ascevolí! Li quarte d'ora sonano a uno, a duje, a tre... Io te voglio bene assaje... e tu non pienze a me! Recòrdate lo juorno ca stive a me becino, e te scorréano, 'nzino, le llacreme, accossí!... Deciste a me: "Non chiagnere, ca tu lo mio sarraje..." Io te voglio bene assaje... e tu non pienze a me! Guárdame 'nfaccia e vide comme sòngo arredutto: Sicco, peliento e brutto, nennélla mia, pe' te! Cusuto a filo duppio, co' te mme vedarraje... Io te voglio bene assaje... e tu non pienze a me! Saccio ca non vuó scennere la grada quanno è scuro... Vatténne muro muro, appòjate 'ncuoll'a me... Tu, n'ommo comm'a chisto, addó lo trovarraje? Io te voglio bene asssaje... e tu non pienze a me! Quanno só fatto cennere, tanno mme chiagnarraje... Tanno addimmannarraje: Nennillo mio addó è?! La fossa mia tu arape e llá mme trovarraje... Io te voglio bene assaje... e tu non pienze a me! _________________ Voce 'e notte Si 'sta voce te scéta 'int''a nuttata, mentre t'astrigne 'o sposo tujo vicino... Statte scetata, si vuó' stá scetata, ma fa' vedé ca duorme a suonno chino... Nun ghí vicino ê llastre pe' fá 'a spia, pecché nun puó sbagliá 'sta voce è 'a mia... E' 'a stessa voce 'e quanno tutt'e duje, scurnuse, nce parlávamo cu 'o "vvuje". Si 'sta voce te canta dint''o core chello ca nun te cerco e nun te dico; tutt''o turmiento 'e nu luntano ammore, tutto ll'ammore 'e nu turmiento antico... Si te vène na smania 'e vulé bene, na smania 'e vase córrere p''e vvéne, nu fuoco che t'abbrucia comm'a che, vásate a chillo...che te 'mporta 'e me? Si 'sta voce, che chiagne 'int''a nuttata, te sceta 'o sposo, nun avé paura... Vide ch'è senza nomme 'a serenata, dille ca dorme e che se rassicura... Dille accussí: "Chi canta 'int'a 'sta via o sarrá pazzo o more 'e gelusia! Starrá chiagnenno quacche 'nfamitá... Canta isso sulo...Ma che canta a fá?!..." __________________ ZAPPATORE (Bovio - Albano) Felicissima sera, a tutte sti signure 'ncruvattate e a chesta cummitiva accussí allèra, d'uommene scicche e femmene pittate! Chesta è na festa 'e ballo... Tutte cu 'e fracchesciasse sti signure... E i', ca só' sciso 'a copp''o sciaraballo, senza cercá 'o permesso, abballo i' pure! Chi só'?... Che ve ne 'mporta! Aggio araputa 'a porta e só' trasuto ccá... Musica, musicante! Fatevi mórdo onore... Stasera, 'mmiez'a st'uommene aligante, abballa un contadino zappatore! II No, signore avvocato... sentite a me, nun ve mettite scuorno... Io, pe' ve fá signore, aggio zappato e stó' zappanno ancora, notte e ghiuorno! E só' duje anne, duje, ca nun scrive nu rigo â casa mia... Si 'ossignuría se mette scuorno 'e nuje... Pur'i' mme metto scuorno 'e ...'ossignuría" Chi só'?! Dillo a 'sta gente ca i' songo nu parente ca nun 'o può cacciá... Musica, musicante! ca è bella ll'allería... I' mo ve cerco scusa a tuttuquante si abballo e chiagno dint''a casa mia! III Mamma toja se ne more... 'O ssaje ca mamma toja more e te chiamma? Meglio si te 'mparave zappatore, ca 'o zappatore, nun s''a scorda 'a mamma! Te chiamma ancora: "Gioja"... e, arravugliata dint''o scialle niro dice: "Mo torna, core 'e mamma soja, se vene a pigliá ll'ùrdemo suspiro..." Chi só'? Vuje mme guardate? Só' 'o pate...i' sóngo 'o pate... e nun mme pò cacciá!... Só' nu fatecatóre e magno pane e pane... Si zappo 'a terra, chesto te fa onore... Addenócchiate...e vásame sti mmane! ;;;;;;;;;;;;;;;;;;;;;; TU CA NUN CHIAGNE (Bovio, De Curtis) Comm'è bella 'a muntagna stanotte... bella accussí, nun ll'aggio vista maje! N'ánema pare, rassignata e stanca, sott''a cuperta 'e chesta luna janca... Tu ca nun chiagne e chiágnere mme faje, tu, stanotte, addó staje? Voglio a te! Voglio a te! Chist'uocchie te vonno, n'ata vota, vedé! Comm'è calma 'a muntagna stanotte... cchiù calma 'e mo, nun ll'aggio vista maje! E tutto dorme, tutto dorme o more, e i' sulo veglio, pecché veglia Ammore... Tu ca nun chiagne e chiágnere mme faje, tu, stanotte, addó staje? Voglio a te! Voglio a te! Chist'uocchie te vonno, n'ata vota, vedé!... __________________ PÍGLIATE NA PASTIGLIA (Nisa, Carosone) Io cammino ogne notte, io cammino sbarianno, io nun tengo maje suonno, nun chiudo maje ll'uocchie e nun bevo cafè! Coro: Va' te cócca, siente a me!... Va' te cócca, siente a me!... Na perziana ca sbatte, nu lampione ca luce... e nu 'mbriaco ca dice, bussanno a na porta: "Mm'arape, Cuncè'?" 'A tre mise nun dormo cchiù: na vucchella vurría scurdá... gente, diciteme comm'aggi''a fá? Coro: Pígliate na pastiglia! Pígliate na pastiglia, siente a me... Pe' mme fá addurmí, pe' mme fá scurdá, il mio dolce amor! Coro: Pígliate na pastiglia! Pígliate na pastiglia, siente a me... Pe' mme fá sentí, come un gran pasciá e mm'inebria il cuor! Dint''e vvetrine 'e tutt''e farmaciste, la vecchia camomilla ha dato il posto alle palline 'e glicerofosfato - bromotelevisionato - grammi: zero, zero, tre... Ah!... Coro: Pígliate na pastiglia, siente a me! II Dint''o scuro na gatta, mastecanno na sarda, doce doce mme guarda, mme guarda, se struscia, miagola e fa: Coro: Siente a me: vatte a cuccá! Siente a me: vatte a cuccá! Só' nu ciuccio 'e carretta, carrecato d'ammore ca se tira stu core... stu core, ca cerca la felicitá!... 'A tre mise nun dormo cchiù: na vucchella vurría scurdá!... Gente, diciteme comm'aggi''a fá? Coro: Pígliate na pastiglia!... ......................... ......................... Finale: Dint''e vvetrine 'e tutt''e farmaciste, la vecchia camomilla ha dato il posto alle palline 'e glicerofosfato - bromotelevisionato - diddittí, bicarbonato, borotalco e seme 'e lino, cataplasma e semolino, na custata â fiorentina, mortadella e duje panine cu nu miezu litro 'e vino, nu caffé con caffeina, grammi: zero, zero, tre!... Ah!... Coro: Pígliate na pastiglia, siente a me! ::::::::::::::::::::::::::: Maruzzella (Bonagura, Carosone) Ohé! Chi sente? E chi mo canta appriesso a me? ohé, pe' tramente s'affaccia 'a luna pe' vedé! Pe' tutta 'sta marina 'a Pròceda a Resína, se dice: "Guarda llá, na femmena che fa!" Maruzzella, Maruzzè... t'hê miso dint'a ll'uocchie 'o mare e mm'hê miso 'mpiett'a me nu dispiacere... Stu core mme faje sbattere cchiù forte 'e ll'onne quanno 'o cielo è scuro... Primma me dice "sí", po', doce doce, mme faje murí... Maruzzella, Maruzzé'... Ohé! Chi mm'ajuta? Si tu nun viene a mm'ajutá? Ohé, mm'è venuta na voglia ardente 'e te vasá. E vieneténne oje bella... e damme 'sta vucchella ca, pe' mm'avvelená, 'e zùccaro se fa... Maruzzella, Maruzzè... ...................................... ::::::::::::::::::::: TORERO Tu pierde 'o suonno 'ncopp''e giurnalette, e mámmeta minaccia, e páteto s'arraggia... Te fanno girá 'a capa sti fumette, guardánnote 'int''o specchio, vuoi fare il toreador! Come fanno a Santa fé, come fanno ad "Ollivud"... e cu 'sta scusa, oje ni', nun studie cchiù... Oh, torero!... Te si' piazzato 'ncapa stu sombrero, dice ca si' spagnuolo e nun è overo, cu 'e nnacchere 'int''a sacca vaje a abballá... mescolando 'o bolero e 'o "ccia-cciá" chi vuó' 'mbrugliá? Torero! Cu sti bbasette 'a sud-americano, cu nu sicario avana e 'a cammesella 'e picchè, Torero!... Torero!... Olé!... II T'hê fatto 'a giacchettella corta corta, 'o cazunciello astritto, e 'o ricciulillo 'nfronte... Te ride 'a gente arreto e nun te 'mporta, ti senti un Marlon Brando, che a spasso se ne va... Per le vie di Santa fé, per le strade di "Ollivud" e 'a 'nnammurata toja nun te vò' cchiù! Oh, torero! ........... ........... Finale: Oh, torero! E levatillo 'a capa stu sombrero! Nun si' spagnuolo e nun si' caballero... Sti nnacchere tu nun 'e ssaje suná!... 'E sti nnacchere, tu che n'hê 'a fá, bello 'e mammá?! Torero! Cu sti bbasette 'a sud-americano, cu nu sicario avana e 'a cammesella 'e picchè... Torero!... Torero!... Olé!... ______________________ CARAVAN PETROL (Nisa, Carosone) Coro: Caravan petrol!... Caravan petrol!... Caravan petrol!... Caravan petrol!... Caravan... I Mm'aggio affittato nu camello, mm'aggio accattato nu turbante, nu turbante â Rinascente, cu 'o pennacchio russo e blu... Cu 'o fiasco 'mmano e 'o tammurriello, cerco 'o ppetrolio americano, mentre abballano 'e beduine mentre cantano 'e ttribbù... Comme si' bello a cavallo a stu camello, cu 'o binocolo a tracolla, cu 'o turbante e 'o narghilè... Gué, si' curiuso mentre scave stu pertuso... scordatello, nun è cosa: Ccá, 'o ppetrolio, nun ce sta... Alláh! Alláh! Alláh! Ma chi t''ha ffatto fá? Comme si' bello a cavallo a stu camello, cu 'o binocolo a tracolla, cu 'o turbante e 'o narghilè!... II Cu 'o fiasco 'mmano e cu 'o camello, cu 'e gguardie 'nnanze e 'a folla arreto, 'rrevutá faccio Tuleto: nun se pò cchiù cammená... Jammo, è arrivato 'o Pazzariello! S'è travestuto 'a Menelicche... 'Mmesca 'o ppepe cu 'o ttabbacco... Chi sarrá st'Alí Babbá!?... Comme si' bello, a cavallo a stu camello... ....................................... Finale: Alláh! Alláh! Alláh! Ma chi mm''ha ffatto fá? Comme só' bello a cavallo a stu camello, cu 'o binocolo a tracolla, cu 'o turbante e 'o narghilè!... _______________________ 'O RITRATTO 'E NANNINELLA (Scarfò, Vian) Caro pittore, 'mméscale cu 'o penniello sti culure... pròvate a fá nu quadro di valore: Píttace na matassa 'e seta nera, píttace doje curvine, scure scure... na fravula zucosa... e na schiuppata 'e rose, rose thè! Chist'è 'o ritratto, 'o ritratto 'e Nanninella: Suspire e vase ardente, prumesse e giuramente, bellezze e vanitá! Chistu ritratto io ce 'o manno a Nanninella... che fa si mm'ha lassato? si 'ammore, mo, è fernuto?... Chistu ritratto nce ll'aggi''a manná! Caro pittore, 'mméscale cu 'o penniello sti culore... pròvate a fá nu quadro di valore: Píttace na tempesta 'mmiez'ô mare, píttace, atturcigliata a ciento core, na vipera maligna, cu ll'uocchie 'e fuoco, pronta a muzzecá! Chist'è 'o ritratto, ............................. Chistu ritratto io ce 'o manno a Nanninella... Giacché dimane sposa, lle voglio fá 'a surpresa: Chist'è 'o regalo 'e nozze ch'aggi''a fá! ___________________________ L A C R E M E N A P U L I T A N E (L. Bovio e F. Alberto Pogliese) Mia cara madre sta pè trasì Natale e a stà luntano cchiù me sape amaro. Comme vurria appiccià duie tre biancale comme vurria sentì nu zampugnaro. A 'e ninne mieie facitele 'o presepio e a tavola mettite 'o piatto mio; facite, quanno è 'a sera d''a vigilia comme si mmiezzo a vuie stesse pur'io. E nce ne costa lacreme st'America a nuie napulitane Pè nuie ca nce chiangimmo 'o cielo 'e Napule comme è amaro stu ppane! Mia cara madre che ssò, che ssò 'e denare? Pè che se chiagne a patria nun sòniente mo tengo quacche dollaro, e me pare ca nun sò stato maie tanto pezzente! Me sonno tutte 'e notte 'a casa mia e d''e criature meie ne sento 'a voce ma a vuie ve sonno comme a 'na Maria cu 'e spade 'mpietto 'nant''o figlio 'ncroce. M'avite scritto che Assuntulella chiamma chi l'ha lassata e sta luntana ancora. Che v'aggia di? Si 'e figlie vonno 'a mamma facitela turnà chella Signora. Io no nun torno. Me ne resto fore. E resto a faticà pè tutte quante; j'c'aggio perzo patria, casa, onore, j'sòcarne 'e maciello:sò emigrante! ______________________ Io, Màmmete e tu (Pazzaglia - Modugno) Eu, tua mãe e você! Ti avevo detto dal primo appuntamento 'e nun portà nisciuno appriesso a tte... Invece, mo 'nu frate, 'na sore o 'nu nepote. sola nun staie 'na vota Ascimmo sempre a tre E m'hai promesso: "Domani, chi lo sà... vengh'io soltanto, soltanto con mammà..." Io, màmmeta e tu... Passiammo pe' Tulete... Nuie annanze, màmmeta arete Io, màmmeta e tu... Sempe appriesso, cos' 'e pazze chesta vene pure a 'o viaggio 'e nozze' jammo 'o cinema, a ballà... si cercammo 'e ce squaglià comme a 'nu carabiniere, chella vene a ce afferrà... Ma 'nnammurato so' rassegnato, non reagisco più... Io, màmmeta e tu... Ma San Gennaro m' aveva fatt' 'a grazia, Llata matina nun l'ha fatt' aizà, teneva ll'uocchie 'e freva, pareva ca schiattava Io quase me credevo 'e asci sulo cu'tte... 'Nu filo 'e voce però truvaie mammà: "D' 'a piccerella ve faccio accumpagnà..." Io, sòreta e tu... Jamm' 'o bar 'o Chiatamone: "Vuo' 'o cuppetto o vuo' 'o spumone'?" "Chello ca costa 'e cchiù!..." Pe' ricordo 'e 'sta jurnata dint' 'a villa ce hanno fatto 'a foto Vo' 'o pallone, v' 'o baba nun se fida 'e cammenà Guardo 'a essa e guard' 'o mmare sto penzanno 'e ce 'a mena... Tu m'be 'nguaiato me spose 'a 'n 'ata nun ve veche cchiù: màmmeta, sòreta e tu... Pàtete, fràtete e tu... Màmmeta, sòreta, fràtete, ziete, nònnete, nànnete e tu. Ah!... ___________________ GUAPPARIA (Bovio- Falvo) (midi file Kb. 39) Scetáteve, guagliune 'e malavita... ca è 'ntussecosa assaje 'sta serenata: Io sóngo 'o 'nnammurato 'e Margarita Ch'è 'a femmena cchiù bella d''a 'Nfrascata! Ll'aggio purtato 'o capo cuncertino, p''o sfizio 'e mme fá sèntere 'e cantá... Mm'aggio bevuto nu bicchiere 'e vino pecché, stanotte, 'a voglio 'ntussecá... Scetáteve guagliune 'e malavita!... II E' accumparuta 'a luna a ll'intrasatto, pe' lle dá 'o sfizio 'e mme vedé distrutto... Pe' chello che 'sta fémmena mm'ha fatto, vurría ch''a luna se vestesse 'e lutto!... Quanno se ne venette â parta mia, ero 'o cchiù guappo 'e vascio â Sanitá... Mo, ch'aggio perzo tutt''a guapparía, cacciatemmenne 'a dint''a suggitá!... Scetáteve guagliune 'e malavita!... III Sunate, giuvinò', vuttàte 'e mmane, nun v'abbelite, ca stó' buono 'e voce! I' mme fido 'e cantá fino a dimane... e metto 'ncroce a chi...mm'ha miso 'ncroce... Pecché nun va cchiù a tiempo 'o mandulino? Pecché 'a chitarra nun se fa sentí? Ma comme? chiagne tutt''o cuncertino, addó' ch'avess''a chiagnere sul'i'... Chiágnono sti guagliune 'e malavita!... ::::::::::::::::::::::::: 'E SPINGULE FRANCESE (Di Giacomo - Leva) Nu juorno mme ne jètte da la casa, jènno vennenno spíngule francese... Nu juorno mme ne jètte da la casa, jènno vennnenno spíngule francese... Mme chiamma na figliola: "Trase, trase, quanta spíngule daje pe' nu turnese?" Mme chiamma na figliola: "Trase, trase, quanta spíngule daje pe' nu turnese? Quanta spíngule daje pe' nu turnese?" Io, che sóngo nu poco veziuso, sùbbeto mme 'mmuccaje dint'a 'sta casa... "Ah, chi vò' belli spingule francese! Ah, chi vò' belli spingule, ah, chi vò'?! Ah, chi vò' belli spingule francese! Ah, chi vò' belli spingule ah, chi vò'!?" II Dich'io: "Si tu mme daje tre o quatto vase, te dóngo tutt''e spíngule francese... Dich'io: "Si tu mme daje tre o quatto vase, te dóngo tutt''e spíngule francese... Pízzeche e vase nun fanno purtóse e puo' ghiénchere 'e spíngule 'o paese... Pízzeche e vase nun fanno purtóse e puo' ghiénchere 'e spíngule 'o paese... E puó' ghiénchere 'e spíngule 'o paese... Sentite a me ca, pure 'nParaviso, 'e vase vanno a cinche nu turnese!... "Ah, Chi vò' belli spíngule francese! Ah, Chi vò' belli spíngule, ah, chi vò'?! Ah, chi vò' belli spíngule francese! Ah, chi vò' belli spíngule, ah, chi vò'?!" III Dicette: "Bellu mio, chist'è 'o paese, ca, si te prore 'o naso, muore acciso!" Dicette: "Bellu mio, chist'è 'o paese, ca, si te prore 'o naso, muore acciso!" E i' rispunnette: "Agge pacienza, scusa... 'a tengo 'a 'nnammurata e sta ô paese..." E i' rispunnette: "Agge pacienza, scusa... 'a tengo 'a 'nnammurata e sta ô paese... 'A tengo 'a 'nnammurata e sta ô paese... E tene 'a faccia comm''e ffronne 'e rosa, e tene 'a vocca comm'a na cerasa... Ah, chi vò' belli spîngule francese! Ah, chi vò' belli spíngule, ah, chi vò'?! Ah, chi vò' belli spíngule francese! Ah, chi vò' belli spíngule, ah, chi vò'?!" _______________________ Dove sta Zaza' (Cutolo - Cioffi) Era la festa di San Gennaro, quanta folla per la via... Con Zazá, compagna mia, me ne andai a passeggiá. C'era la banda di Pignataro che suonava il "Parsifallo" e il maestro, sul piedistallo, ci faceva deliziá... Nel momento culminante del finale travolgente, 'mmiez'a tutta chella gente, se fumarono a Zazá!... Dove sta Zazá?! Uh, Madonna mia... Come fa Zazá, senza Isaia?... Pare, pare, Zazá, che t'ho perduta, ahimé! Chi ha truvato a Zazá ca mm''a purtasse a me... Jámmola a truvá... sù, facciamo presto.. Jámmola a incontrá con la banda in testa... Uh, Zazá! Uh, Zazá! Uh, Zazá! tuttuquante aîmm''a strillá: Zazá, Zazá, Isaia sta ccá! Isaia sta ccá! Isaia sta ccá!... Zazá, Zazá, za-za-za-za, comm'aggi 'a fá pe' te truvá?! I', senza te, nun pozzo stá... Zazá, Zazá, za-za-za-za.... Za-za-za-za-za-za-zá... Era la festa di San Gennaro, ll'anno appresso cante e suone... bancarelle e prucessione... chi se pò dimenticá!? C'era la banda di Pignataro, centinaia di bancarelle di torrone e di nocelle che facevano 'ncantá. Come allora quel viavai, ritornò per quella via... Ritornò pure Isaia, sempre in cerca di Zazá... Dove sta Zazá? Uh! Madonna mia... Come fa Zazá, senza Isaia? Pare pare, Zazá che t'ho perduta, ahimé! Chi ha truvato a Zazá, ca mm''a purtasse a me... Se non troverò lei, ch'è tanto bella, mm'accontenterò 'e trová 'a sorella... T'amerò, t'amerò, t'amerò, pure a lei glielo dirò che t'amerò: T'amerò, Zazá! T'amerò, Zazá! T'amerò, Zazá! Zazá, Zazá, za-za-za-za... che t'amerò ll'aggi''a cuntá.. Con tua sorella aggi''a sfugá... Zazá, Zazá, za-za-za-za... Zazá, Zazá, za-za-za-za... comm'aggi''a fá pe' te truvá?! I', senza te, nun pòzzo stá! Zazá, Zazá, za-za-za-za-za... Za-za-za-za-za-za-zá... ::::::::::::::::::::::::::::: Dicitencello vuje -------------------------------------------------------------------------------- Dicitencello a 'sta cumpagna vosta ch'aggio perduto 'o suonno e 'a fantasia... ch''a penzo sempe, ch'è tutt''a vita mia... I' nce 'o vvulesse dicere, ma nun ce 'o ssaccio dí... 'A voglio bene... 'A voglio bene assaje! Dicitencello vuje ca nun mm''a scordo maje. E' na passione, cchiù forte 'e na catena, ca mme turmenta ll'anema... e nun mme fa campá!... Dicitencello ch'è na rosa 'e maggio, ch'è assaje cchiù bella 'e na jurnata 'e sole... Da 'a vocca soja, cchiù fresca d''e vviole, i giá vulesse sèntere ch'è 'nnammurata 'e me! 'A voglio bene... .......................... Na lácrema lucente v'è caduta... dicíteme nu poco: a che penzate?! Cu st'uocchie doce, vuje sola mme guardate... Levámmoce 'sta maschera, dicimmo 'a veritá... Te voglio bene... Te voglio bene assaje... Si' tu chesta catena ca nun se spezza maje! Suonno gentile, suspiro mio carnale... Te cerco comm'a ll'aria: Te voglio pe' campá!... _________________ Core'ngrato napoletano Coração ingrato portoghese-brasiliano Catari, Catari, pecchè me dici sti parole amare, pecchè me parle e 'o core me turmiento Catari? Num te scurdà ca t'aggio date 'o core, Catari nun te scurdà! Catari, Catari, che vene a dicere stu parlà, che me dà spaseme? Tu nun 'nce pienze a stu dulore mio Tu num 'nce pienze tu nun te ne cura Core, core 'ngrato t'aie pigliato 'a vita mia. Tutt' è passato e nun'nce pienze cchiù! Catari, Catari, tu nun 'o saie ca'nfin'int' a na chiesa io so' trasuto e aggio priato a Dio, Catari. E l'aggio ditto pure a 'o cunfessore: I' sto a fuffrì pe' chella llà! Sto a suffrì, sto a suffrì, nun se po' credere, sto a suffrì tutte li strazie! E 'o cunfessore ch'è persona santa, M'ha ditto: Figlio mio, lassala sta', lassala sta'. Core, core 'ngrato t' aie pigliato 'a vita mia. Tutt' è passato e nun'nce pienze cchiù! :::::::::::::::::::: Te 'ncuntraje, te parlaje e m'innamorai di te... Mme guardaste, mme diciste: "Mi piacete pure a me..." Ma tutt''o bbene ca hê ditto sempe 'e mme vulé, è na buscía ch'è asciuta 'ncopp''o naso a te... Si mme vulisse bene overamente, nun mme facisse 'ncujetá da 'a gente, nun mme tagliasse 'e pizze d''a paglietta, nun mme mettisse 'a vrénna 'int''a giacchetta... Si mme vulisse bene, o mia Luisa, nun mme rumpisse 'o cuollo d''a cammisa... Si' na 'nfá'...si' na 'nfá'...si' na 'nfama... Te n'abù'...te n'abù'...te n'abuse... te n'abuse ca Ciccio Formaggio, nun tene 'o curaggio nemmeno 'e parlá! II Si sapisse, si vedisse, dint''o core mio che nc'è! Cumpatisse... Mme dicisse: "Puveriello...ma pecché?" Ma 'ncopp''o core tu nce tiene 'e pile 'o ssá' ca nu barbiere nun ce abbasta p''e ttagliá!... Si mme vulisse bene overamente, nun mme facisse 'ncujetá da 'a gente... Nun mme tirasse 'e pile 'a dint''e rrecchie, nun mme mettisse 'o dito dint'a ll'uocchie, nun mme mettisse 'a neve dint''a sacca, nun mme squagliasse 'ncapa 'a ceralacca! Si' na 'nfá'........ ......................... III L'altro giorno, ma che scorno: Vengo a casa e trovo a te spettinata, abbracciata 'nziem'a n'ommo...Bèh...ched è?! Mme rispunniste: "Chisto vene a te 'mpará comme se vasa quanno tu mm'hê 'a spusá..." Si mme vulisse bene overamente, nun mme facisse 'ncujetá da 'a gente... Nun mme menasse 'e streppe 'e rafanielle, nun mme mettisse 'a quaglia 'int''o cappiello, nun mme facisse stá, pe' n'ora sana, cu 'a pippa 'mmocca e cu 'a cannela 'mmano! Si mme vulisse bene overamente, nun mme facisse 'ncujetá da 'a gente... Nun mme pugnisse areto cu 'o spillone, nun mme mettisse 'a colla 'int''o cazone... Nun mme screvisse, cu nu piezzo 'e gesso, aret''o matinè: "Ciccí' si' fesso!" Si' na 'nfá'........ .......................... __________________ Chella llà napoletano St'ammore me teneva 'ncatenato, ma ho detto "Basta!", e me só libberato... Me pare cchiù turchino 'o cielo, me pare cchiù turchino 'o sole e 'o core canta p' 'a felicità! Chella llà, chella llà mo' và dicenno ca' me vo' lassà Se crede ca' me faccio 'o sangue amaro se crede ca' impazzisco e po' me sparo! Chella llà, chella llà nun sape che piacere ca me fà... Me ne piglin n'ata cchiù bella e zetella resterà chella llà, chella llà, chella llà! Ajere m'ha mannato 'nu biglietto p' 'a figlia d' 'o portiere dirimpetto Me scrive ca' nun è felice e cá vurria cu' mme fà pace, ma io me sto' gustanno 'a libbertà! _____________________ 'A tazza 'e cafe' (Capaldo, Fassone) Vurría sapé pecché si mme vedite, facite sempe 'a faccia amariggiata... Ma vuje, quanto cchiù brutta ve facite, cchiù bella, a ll'uocchie mieje, v'appresentate... I' mo nun saccio si ve n'accurgite! Ma cu sti mode, oje Bríggeta, tazza 'e café parite: sotto tenite 'o zzuccaro, e 'ncoppa, amara site... Ma i' tanto ch'aggi''a vutá, e tanto ch'aggi''a girá... ca 'o ddoce 'e sott''a tazza, fin'a 'mmocca mm'ha da arrivá!... Cchiù tiempo passa e cchiù v'arrefreddate, 'mméce 'e ve riscaldá..."Caffè squisito!..." 'o bbello è ca, si pure ve gelate, site 'a delizia d''o ccafé granito... Facenno cuncurrenza â limunata... Ma cu sti mode, oje Bríggeta, ................................................ Vuje site 'a mamma d''e rrepassatore?... E i', bellezza mia, figlio 'e cartaro!... Si vuje ve divertite a cagná core, i' faccio 'e ccarte pe' senza denare... Bella pareglia fóssemo a fá 'ammore! Ma cu sti mode, oje Bríggeta, ................................................ ___________________ A Marechiaro (Di Giacomo, Tosti) Quanno spónta la luna a Marechiaro, pure li pisce nce fanno a ll'ammore... Se revòtano ll'onne de lu mare: pe' la priézza cágnano culore... Quanno sponta la luna a Marechiaro. A Marechiaro ce sta na fenesta: la passiona mia ce tuzzuléa... Nu garofano addora 'int'a na testa, passa ll'acqua pe' sotto e murmuléa... A Marechiaro ce sta na fenesta.... Chi dice ca li stelle só lucente, nun sape st'uocchie ca tu tiene 'nfronte! Sti ddoje stelle li ssaccio i' sulamente: dint'a lu core ne tengo li ppónte... Chi dice ca li stelle só lucente? Scétate, Carulí, ca ll'aria è doce... quanno maje tantu tiempo aggi'aspettato?! P'accumpagná li suone cu la voce, stasera na chitarra aggio purtato... Scétate, Carulí, ca ll'aria è doce!... ________________________ Accarezzame (Nisa, Calvi) Stasera, core e core, 'mmiez'ô ggrano, addó ce vede sulamente 'a luna... io cchiù t'astrégno e cchiù te faje vicino, io cchiù te vaso e cchiù te faje vasá... Te vaso...e 'o riturnello 'e na canzone, tra ll'arbere 'e cerase vola e va... Accarézzame!... Sento 'a fronte ca mme brucia... Ma pecché nun mme dá pace stu desiderio 'e te? Accarézzame!... Cu sti mmane vellutate, faje scurdá tutt''e peccate... Strígneme 'mbracci'a te!... Sott'a stu cielo trapuntato 'e stelle, mme faje sentí sti ddete 'int''e capille... Voglio sunná guardanno st'uocchie belle... voglio sunná cu te!... Accarézzame!... Sento 'a fronte ca mme brucia... Ma pecché nun mme dá pace stu desiderio 'e te? E nu rilorgio lentamente sona... ma 'o tiempo s'è fermato 'nziem'â luna... Io mme vurría addurmí 'mmiez'a stu ggrano tutta na vita...pe' ll'eternitá... E tu mm'accarezzasse chianu chiano... e mme vasasse, senza mme scetá... Accarézzame!... ________________________ 'A vucchella (D'Annunzio, Tosti) Si comm'a nu sciurillo... tu tiene na vucchella, nu poco pucurillo, appassuliatella. Méh, dammillo, dammillo, è comm'a na rusella... dammillo nu vasillo, dammillo, Cannetella! Dammillo e pigliatillo nu vaso...piccerillo comm'a chesta vucchella che pare na rusella... nu poco pucurillo appassuliatella... ::::::::::::::::::::: 'O PAESE D' 'O SOLE Ogge stò tanto allero ca, quase quase me mettesse a chiagnere pe' sta felicità. Ma è vero o nun è vero ca so' turnato a Napule? Ma è vero ca sto ccà? 'O treno stava ancora int' 'a stazione quanno aggio 'ntiso 'e primme manduline. Chisto è 'o paese d' 'o sole, chisto è 'o paese d' 'o mare, chisto è 'o paese addò tutt' 'e pparole, sò doce o sò amare, sò sempre parole d'ammore. Tutto, tutto è destino Comme, putevo fà furtuna all'estero s'io voglio campà ccà? Mettite a frisco 'o vino, tanto ne voglio vevere ca m'aggia 'nbriacà. Dint' a sti quatte mura io sto cuntento. Mamma me sta vicino, e nenna canta. Chisto è 'o paese d' 'o sole, chisto è 'o paese d' 'o mare, chisto è 'o paese addò tutt' 'e pparole, sò doce o sò amare, sò sempre parole d'ammore. __________________ REGINELLA CAMPAGNOLA La la la la la la la la, la la la la la la la la, la la la la la la la la la la la la la. La la la la la la la la, la la la la la la la la, la la la la la la la la la la la la la. O campagnola bella, tu sei la reginella, negli occhi tuoi c'è il sole, c'è il colore delle viole delle valle tutte in fior. Se canti la tua voce, è un'armonia di pace che si diffonde e dice, "Se vuoi vivere felice devi vivere quassu." La la la la la la la la, la la la la la la la la, la la la la la la la la la la la la la. La la la la la la la la, la la la la la la la la, la la la la la la la la la la la la la. All'alba quanto spunta il sole la nell'Abruzzo tutto d'or le prosperose campagnole, discendono le valli in fior. La la la la la la la la, la la la la la la la la, la la la la la la la la la la la la la. La la la la la la la la, la la la la la la la la, la la la la la la la la la la la la la. |
